ខ្សែប្រយុទ្ធ Lionel Messi ត្រូវបានក្លឹប PSG ប្រកាសថាបានឆ្លងមេរោគកូវីដ១៩ទៅហើយ ជាមួយសមាជិកក្រុមដទៃទៀត។
ដោយសារមេរោគកូវីដ១៩ បំប្លែងថ្មីនៅពេលបច្ចុប្បន្ននេះកីឡាករបាល់ទាត់ជាច្រើនបានឆ្លងមេរោគនេះ។ ជាក់ស្ដែងសូម្បីតែកំពូលកីឡាករ Lionel Messi ក៏បានឆ្លងមេរោគដែរ។ ដោយសមាជិកក្រុមជាច្រើនទៀតដូចជា Juan Bernat , Sergio Rico និង Nathan Bitumazala ក៏វិជ្ជមានដូចគ្នា។ ខណៈដែលសមាជិកដទៃទៀតក្នុងក្រុម PSG នៅពេលនេះក៏កំពុងតាមដានសុខភាពដែរ។
ប្រសិនបើក្នុងក្រុមបន្ដមានអ្នកឆ្លងកូវីដ១៩ទៀត នោះលោក Pochettino នឹងស្នើផ្អាកការប្រកួតសំខាន់ទល់ Lyon នាពេលខាងមុខនេះហើយ។ ខណៈដែលពេលនេះ ពួកគេអវត្តមានខ្សែប្រយុទ្ធខាងលើ Messi និង Neymar ទៅហើយ៕ប្រភព Marca
