ខ្សែការពារ Cesar Azpilicueta បានអះអាងថាខ្សែប្រយុទ្ធ Mane របស់ក្រុម Liverpool សមនឹងទទួលបានកាតក្រហមណាស់ ចំពោះចេតនាវាយកែងដាក់ខ្លួនដែលបើកការប្រកួតភ្លាមៗ។
ក្រុមតោខៀវ Chelsea និងហង្សក្រហម Liverpool បានបញ្ចប់ការប្រកួតដោយស្មើគ្នា ២-២ ប៉ុណ្ណោះនាជំនួបពានរង្វាន់ English Premier League នៅយប់មិញ។ ក្នុងការប្រកួតនេះដែរ ក្រុម Liverpool រកគ្រាប់បាល់២គ្រាប់បានមុនដោយ Mane និង Salah ប៉ុន្តែក៏ត្រូវក្រុម Chelsea វាយបកតាមស្មើវិញបានដូចគ្នា ដោយ Kovacic និង Pulisic ។
ក្រោយពីចប់ការប្រកួតនោះទៅ ប្រធានក្រុម Azpilicueta បានចេញមុខមកអះអាងថាការប្រកួតនេះក្រុម Liverpool សមតែសល់គ្នា១០នាក់ប៉ុណ្ណោះ។ Mane មានចេតនាវាយកែងដាក់ខ្លួន ទោះវាទើបតែចាប់ផ្ដើមការប្រកួតក៏ដោយ។ អាជ្ញាកណ្ដាល គួរតែផ្ដល់ការពិន័យជាងនេះទៅលើរូបគេ ដោយសមបានកាតក្រហមតែម្ដង៕ប្រភព Dailymail
