ក្លឹប Real Madrid លែងចង់បានខ្សែបម្រើ Paul Pogba ទៀតហើយ ដោយពួកគេចង់ផ្ដោតទៅលើតែការចង់យកខ្សែប្រយុទ្ធ Kylian Mbappe ទេ។
Pogba បានឈានដល់ឆ្នាំចុងក្រោយនៃរដូវកាលខ្លួននៅក្រុមបិសាចក្រហម Manchester United ហើយ ខណៈដែលការចរចាកុងត្រាថ្មីក៏គ្មានកើតឡើងផងដែរ។ បើតាមប្រភពនៅអង់គ្លេស ក៏បានបញ្ជាក់ដែរថាក្រុមបិសាចក្រហមក៏មិនមានបំណងដើម្បីបន្ដកុងត្រាថ្មីអ្វីទៀតដែរ ដោយឱ្យគេចាកចេញរកក្លឹបថ្មី។ ក្នុងនោះកន្លងមក Real Madrid ក៏បានបង្ហាញចំណាប់អារម្មណ៍ដែរ។
តែនៅពេលនេះក្រុមរបស់លោក Carlo Ancelotti ទំនងជាលែងត្រូវការទៀតហើយ។ ពួកគេកំពុងផ្ដោតខ្លាំងទៅលើការចង់បាន Mbappe ដែលនឹងផុតកុងត្រានៅឆ្នាំនេះដែរ។ ដូច្នេះហើយ ទើបបានជាពួកគេផ្ដោតខ្លាំង និងតាមដានជាប់តែម្ដងទៅលើខ្សែប្រយុទ្ធបារាំង៕ប្រភព Dailymail
