ក្រុម Spurs បន្ដរកបាន៣ពិន្ទុបន្ថែមទៀតនៅយប់មិញនេះ ដោយពួកគេយកឈ្នះលើក្រុម Watford បានក្នុងលទ្ធផល ១-០ នៅចុងម៉ោងទៅហើយ។
សម្រាប់ការប្រកួតនេះដែរ អាចនិយាយបានថាជាសំណាងខ្លាំងមែនទែនសម្រាប់ក្រុមរបស់លោក Conte ក៏ព្រោះតែ១គ្រាប់យកឈ្នះនោះកើតឡើងនៅនាទី៩០+៦ទៅហើយ ដោយខ្សែការពារ Sanchez ជាអ្នកធ្វើបានសម្រេច។ ស្របពេលអ្នកលើកឱ្យនោះ គឺខ្សែប្រយុទ្ធកូរ៉េខាងត្បូង Son ។ ដោយការឈ្នះប្រកួតនេះទៀត បានធ្វើឱ្យក្រុម Spurs ក្រោមការដឹកនាំរបស់លោក Conte មិនទាន់ស្គាល់ចាញ់នោះទេ៨ប្រកួតមកហើយតាំងពីលោកមកដឹកនាំក្នុងលីគ។
មួយវិញទៀតនៅពេលនេះ ពួកគេចាញ់ពិន្ទុក្រុមលេខ៤ Arsenal តែ២ពិន្ទុប៉ុណ្ណោះ តែនៅសល់ការប្រកួតក្នុងដៃដល់ទៅ២ប្រកួតទៀតដែរ។ ដូច្នេះប្រសិនបើ២ប្រកួតនោះ ក្រុម Spurs ឈ្នះទាំងពីរ នោះនឹងហក់ឡើងលេខ៤ ហើយដាច់ពិន្ទុ Arsenal វិញមិនខាន៕ប្រភព Dailymail
