សមាគមន៍បាល់ទាត់ចិន បានដាក់ច្បាប់មិនឱ្យកីឡាករជម្រើសជាតិទាំងអស់ចាក់សាក់លើដងខ្លួននោះទេ ដើម្បីជាការបង្ហាញគំរូដល់ប្រជាជនផ្សេងទៀត។
ចិនជាប្រទេសមានច្បាប់តឹងរឹង ដោយពលរដ្ឋទាំងអស់ត្រូវគោរពតាម។ ខណៈដែលពេលនេះ រដ្ឋាភិបាលប្រទេសនេះក៏បានដាក់ច្បាប់មួយទៀតទៅលើកីឡាករជម្រើសជាតិហើយ។ ដោយហាមពួកគេមិនឱ្យចាក់សាក់ថ្មីឡើយ ហើយនរណាដែលមានត្រូវលុបចេញវិញផងដែរ។ ការធ្វើបែបនេះ ដើម្បីបង្ហាញជាគំរូសម្រាប់ពលរដ្ឋដទៃទៀត។ ជាមួយគ្នានេះដែរ បើក្រុមយុវជនវិញ នរណាមានស្នាមសាក់មិនត្រូវបានកោះហៅចូលជម្រើសជាតិឡើយ។
រំលឹកថាក្នុងសង្គមចិន អ្នកចាក់សាក់ត្រូវបានគេមើលងាយណាស់ ដោយសារតែកាលពីអតីតកាលនរណាមានស្នាមសាក់ មានន័យថាធ្លាប់ជាអ្នកទោស ឬធ្វើខុសអ្វីមួយ។ គេយកសាក់នេះ ដើម្បីសម្គាល់ពួកគេ៕ប្រភព Marca
