អនាគតរបស់អ្នកចាំទីវ័យចំណាស់ Hugo Lloris ក្រោមការដឹកនាំរបស់លោក Antonio Conte នៅក្លឹប Tottenham Hotspur គឺមិនប្រាកដប្រជានោះទេ ពោលមានភាគរយច្រើនអាចនឹងចាកចេញត្រឹមខែមករាខាងមុខ ដ្បិតអីសុពលភាពកុងត្រារបស់គេត្រូវផុតនៅរដូវក្តៅ ឆ្នាំ ២០២២។
កីឡាករបារាំង ត្រូវបានគេជឿជាក់ថា លោក Conte មិនចង់រក្សាជើងឲ្យឈរហួសពីកុងត្រាដើមទេ ពោលចង់ដកគេចេញពីក្លឹប ហើយទៅស្រវាយកអ្នកថ្មី ដូចជា Dean Henderson របស់ Man Utd ឬ Jordan Pickford របស់ Everton ជាដើម។
បើតាមសារព័ត៌មាន Foot Mercato ចុះផ្សាយថា អតីតក្លឹបចាស់នៅឯបារាំង គឺ Nice ក៏ចាប់ចិត្តលើ Lloris សារនេះផងដែរ ហើយចង់នាំយកគេមកចូលរួមនាខែមករាខាងមុខ ក្នុងតម្លៃសមរម្យណាមួយ។ បញ្ជាក់ថា គេធ្លាប់ជាអតីតកីឡាករថ្នាលលេងឲ្យ Nice បាន ១ ឆ្នាំដែរ មុនឡើងទៅលេងនៅឈុតធំ ៣ ឆ្នាំហើយផ្ទេរទៅ Lyon។
គួរបញ្ជាក់ថា ជាមួយការឈរជើងរយៈពេលជាង ៩ ឆ្នាំឲ្យ Spurs អ្នកចាំទីដាំខ្ទឹមរូបនេះ បង្ហាញខ្លួនសរុប ៣៩២ ប្រកួត របូតគ្រាប់បាល់ ៤៣៩ គ្រាប់និង Clean Sheet បាន ១៣៣ លើក។ តាមហាងឆេងតម្លៃខ្លួនរបស់គេពេលនេះ ថ្លៃតែជាង ៥ លានផោនប៉ុណ្ណោះឯង៕
ប្រភព៖ Sportsmole