Southgate ​ចុះ​កុងត្រា​ដឹក​នាំ​ក្រុម​អង់គ្លេស ​៤​ឆ្នាំ​ទៀត

លោក Gareth Southgate ​បាន​ចុះ​កុងត្រា​ថ្មី​ដឹក​នាំ​ក្រុម​ជម្រើស​ជាតិ​អង់គ្លេស ​៤​ឆ្នាំ​ទៀត ​ពោល​គឺ​នឹង​នៅ​ដល់ World Cup ​ឆ្នាំ​២០២២​ឯ​ណោះ។

ការ​ចុះ​កុងត្រា​ថ្មី​នេះ​ធ្វើ​ឡើង ​ក្រោយ​ពី​ធ្វើ​ការ​ចរចា​គ្នា​ជា​ច្រើន​សប្ដាហ៍​មក​ហើយ ​ពោល​គឺ​ចាប់​តាំង​ពី​ចប់ World Cup ​នៅ​រុស្ស៊ី​មក។ ជាមួយ​កុងត្រា​ថ្មី ​បុរស​វ័យ​៤៨​ឆ្នាំ​នឹង​ទទួល​បាន​ប្រាក់​៣​លាន​ផោន ​ក្នុង​១​ឆ្នាំ ​និង​ប្រាក់ Bonus ​ផ្សេង​ៗ​

ទៀត ​ប្រសិន​បើ​ដឹក​នាំ​អង់គ្លេស​ជោគជ័យ។ ​គ្រូ​បង្វឹក​ដែល​នាំ​អង់គ្លេស​ដល់​វគ្គ​ពាក់​កណ្ដាល​ផ្ដាច់ព្រ័ត្រ World Cup 2018 ​នេះ ​នឹង​មាន​ភារកិច្ច​នាំ​តោ​កំណាច​អង់គ្លេស ​លេង​ក្នុង​ពាន​រង្វាន់ UEFA League Nations ​ដោយ​ប៉ះ​ជាមួយ​ក្រុម​ក្រូអាត​នៅ​ពេល​ខាង​មុខ​នេះ។

Southgate ​ទើប​តែ​ចូល​ដឹក​នាំ​ក្រុម​អង់គ្លេស​នៅ​ឆ្នាំ​២០១៦ ​កន្លង​ទៅ ក្រោយ​ពី​សហព័ន្ធ​កីឡា​បាល់ទាត់​មួយ​នេះ​បាន​បណ្ដេញ​លោក Sam Allardyce ​ចេញ​ពី​តំណែង​គ្រូ​បង្វឹក។ ប្រវត្តិ​ដឹក​នាំ​ក្រុម​របស់​លោក គឺ​ធ្លាប់​ដឹក​នាំ​ក្រុម Middlebrough ​បាន​៣​ឆ្នាំ ​មុន​ឈាន​ជើង​ចូល​ដឹក​នាំ​ក្រុម U21 ​អង់គ្លេស ​ហើយ​ក៏​មាន​ឱកាស​បាន​ដឹក​នាំ​ក្រុម​ធំ​តែ​ម្ដង៕ប្រភព៖ DailyMail

ភ្ជាប់ទំនាក់ទំនងជាមួយ CTS SPORT