លោក Pep Guardiola ថាការប្រជែងពានរង្វាន់ English Premier League នៅមិនទាន់បញ្ចប់នោះទេ បើទោះជាក្រុម Manchester City របស់លោកនាំមុខគេដល់ទៅ៨ពិន្ទុក៏ដោយ។
ក្រោយពីយកឈ្នះលើក្រុម Brentford បានក្នុងលទ្ធផល ១-០ ហើយ នៅពេលនេះក្រុម Man City កំពុងឈរនៅលេខ១ ដោយលើសក្រុមលេខ២ដល់ទៅ៨ពិន្ទុ និងឈ្នះ១០ប្រកួតជាប់គ្នាក្នុងលីគ។ លទ្ធផលនេះដែរ ឃើញថាក្រុមរបស់លោក Pep កាន់តែមានសង្ឃឹមច្រើនជាងគេហើយក្នុងការយកពាន Premier League ព្រោះសមាជិកក្រុមពួកគេមិនមានបញ្ហារបួស ឬកើតកូវីដ១៩ដូចក្រុមដទៃដែលតាមពីក្រោយនោះទេ។
ត្បិតតែយ៉ាងនេះមែន អ្នកចាត់ការសញ្ជាតិអេស្ប៉ាញខាងលើបាននិយាយថា៖ “នៅសល់៥៤ពិន្ទុទៀតដើម្បីប្រកួតប្រជែង និងមានក្រុមខ្លាំងៗច្រើនទៀតដែលយើងត្រូវជួប។ អ្នកមិនអាចនិយាយថា៨ពិន្ទុជាពិន្ទុច្រើនដាច់នោះទេ។ គ្រប់យ៉ាងសុទ្ធតែអាចកើតមានឡើងបានដូចកាលប៉ះ Leicester City យើងនាំមុខ ៤-០ ហើយ២០នាទីក្រោយមក គេរកបាន៣គ្រាប់វិញ”៕ប្រភព Dailymail
