Anthony Martial ពិតណាស់ត្រូវបានលោក Ralf Rangnick ជាអ្នកចាត់ការ បញ្ជាក់អំពីតម្រុយនឹងអនុញ្ញាតឲ្យគេចាកចេញ តែយ៉ាងណា តាមរយៈសំណើដែលក្លឹបអេស្ប៉ាញ Sevilla ចង់ខ្ចីជើងថ្មីៗនេះ បែរជាត្រូវបានក្លឹបអាណាព្យាបាលបដិសេធទៅវិញ។
មូលហេតុគឺត្រង់ថា United មិនចង់បានក្លឹប ដែលខ្ចីជើងគេអ្វីនោះទេ ផ្ទុយទៅវិញ គឺចង់ទទួលយកសំណើក្លឹបណាមួយ ដែលព្រមទិញគេផ្តាច់ ព្រោះមិនចង់ចែកការចំណាយថ្លៃពលកម្មពាក់កណ្តាល នៃប្រាក់ពលកម្មជិត ៣០០ ០០០ ផោន/សប្តាហ៍របស់គេ។ ជារួមបិសាចក្រហម ក៏ចង់សម្រាលបន្ទុកចំណាយទាំងស្រុង ជាមួយការលក់ចេញ Martial តែម្តង។
ដូច្នេះមានតែរង់ចាំមើលបន្តទៅទៀតថា Sevilla នឹងព្រមងាកមកចរចាការទិញផ្តាច់ ឬបោះបង់ការចង់បាននេះ ឬក៏អាចមានក្លឹបធំផ្សេងទៀតមកចាប់អារម្មណ៍កីឡាករបារាំង។ រំឭកថា ខ្សែប្រយុទ្ធវ័យ ២៦ ឆ្នាំ នៅរដូវកាល ២០២១/២២ គេមិនសូវទទួលបានឱកាសលេងនោះទេ ដោយបង្ហាញខ្លួន ១០ ប្រកួត រកបាន ១ គ្រាប់ ឈរជើងសុទ្ធមិនដល់ ៤០០ នាទីផង៕
ប្រភព៖ Skysports