ក្លឹប Barcelona បានប្រកាសជាផ្លូវការហើយ ជុំវិញការនាំយក Ferran Torres ចេញពីក្លឹប Man City នៅតម្លៃផ្ទេរ ៥៥ លានអឺរ៉ូ។ គេក៏បានបង្ហាញវត្តមាននៅទីលានហ្វឹកហាត់ ជាមួយអ្នកមានបុណ្យកាលពីពេលថ្មីៗនេះផងដែរ ក្រោយពីបញ្ចប់ការតេស្តសុខភាពដោយជោគជ័យ។
យ៉ាងណាមានបងប្អូនឆ្ងល់ថា តើការដែលទីផ្សារដោះដូរមិនទាន់បើកទ្វារជាផ្លូវការផង អ៊ីចឹងកីឡាករអាចមកចូលរួមជាមួយក្លឹបថ្មីបានក្នុងលក្ខខណ្ឌណាខ្លះ? ចម្លើយគឺងាយយល់ ការបង្ហាញខ្លួនក្នុងការប្រកួត គឺមិនអនុញ្ញាតទាំងស្រុង ប៉ុន្តែក្នុងលក្ខខណ្ឌហ្វឹកហាត់កម្តៅសាច់ដុំ ឬការអនុវត្តកិច្ចព្រមព្រៀងផ្សេងៗ គឺអាចរាប់ដំណើរការបាន ចាប់ពីថ្ងៃដែលក្លឹបទាំងសងខាង ប្រកាសពីកុងត្រា។
ដូច្នេះមានន័យថា គឺដូចតែកីឡាករឯទៀត Torres ត្រូវរង់ចាំដល់ចាប់ពីថ្ងៃទី ១ មករា ឆ្នាំ ២០២២ តទៅ ទើបអាចមកចូលរួមលេងឲ្យ Barcelona។ អ៊ីចឹងថាមិនត្រូវការប្រកួត បើកឆាកទំព័រឆ្នាំថ្មី ប៉ះវេលាម៉ោង ០៣:០០ នាទីទាបភ្លឺ ថ្ងៃទី ៣ មករា ដែល Mallorca ត្រូវស្វាគមន៍ក្រុមភ្ញៀវអ្នកមានបុណ្យ ពេលនោះអាចជាថ្ងៃបង្ហាញខ្លួនរបស់កីឡាករអេស្ប៉ាញក៏ថាបាន។
គួរបញ្ជាក់ថា យុវជនវ័យ ២១ ឆ្នាំ បានចាយពេលនៅមេឃខៀវ តែជាង ១ ឆ្នាំប៉ុណ្ណោះ ហើយសរុបការបង្ហាញខ្លួន ៤៣ ប្រកួត គេរកបាន ១៦ គ្រាប់និង Assist ៤ លើក។ អតីតកាលគេក៏ធ្លាប់ឈរជើងនៅក្លឹបក្នុងក្របខ័ណ្ឌ La Liga ផងដែរ នោះគឺ Valencia៕
ប្រភព៖ Quora