គ្រូ​បង្វឹក Real Madrid ​បញ្ជាក់​ថា ​Marcelo ​ត្រូវ​ការ​ពេល​សម្រាក​ខ្លះ​ហើយ

លោក Lopetegui ​អ្នក​ចាត់ការ​ក្រុម Real Madrid ​បញ្ជាក់​ថា​ខ្សែ​ការពារ Marcelo ​នឹង​ត្រូវ​សម្រាក​ខ្លះ​ហើយ ​ដើម្បី​ឱ្យ​រូបគេ​ប្រមូល​កម្លាំង​បាន​ល្អ​មក​វិញ។

ក្រុម Real Madrid ​រង​ភាព​អាម៉ាស់​ខ្លាំង​មែនទែន​នៅ​យប់មិញ​នេះ ​ដោយ​ចាញ់​ក្រុម Sevilla ​ក្នុង​លទ្ធផល ៣-០ ​ពាន​រង្វាន់ La Liga ។ បរាជ័យ​នេះ បាន​ធ្វើ​ឱ្យ​លោក Lopetegui ​មើល​ឃើញ​ថា​កីឡាករ​មួយ​ចំនួន​ត្រូវ​ការ​សម្រាក​ខ្លះ ព្រោះ​ការ​ប្រកួត​ញឹកញាប់​ពេក ពួកគេ​គ្មាន​កម្លាំង​គ្រប់គ្រាន់​នោះ​ទេ។ ដោយ​ក្នុង​នោះ ​លោក​មើល​ឃើញ Marcelo ​ហាក់​ដូចជា​បាត់បង់​ទំនុក​ចិត្ត​ជាង​គេ ​ដោយ​រូបគេ​មិន​អាច​ធ្វើ​តាម​អ្វី​ដែល បង្ហាត់​បាន​ឡើយ។

“ក្រុម​ទាំង​មូល ​មិន​អាច​លេង​ឱ្យ​ដូច​អ្វី​ដែល​ចង់​បាន ​ពួកគេ​ហាក់​ដូចជា​អស់​កម្លាំង។ Marcelo ​ហាក់​ដូចជា​ត្រូវ​សម្រាក​ហើយ ​ប៉ុន្តែ​យើង​នឹង​រង់ចាំ​មើល​បន្តិចទៀត​សិន។ ​ចាញ់​នេះ គឺ​ជា​រឿង​ធម្មតា ​ក្នុង​លីគ​​តែង​មាន​ចាញ់​មាន​ឈ្នះ”។ សម្ដី​របស់​អតីត​គ្រូ​បង្វឹក​ក្រុម​ជម្រើស​ជាតិ​អេស្ប៉ាញ៕ប្រភពMarca

ភ្ជាប់ទំនាក់ទំនងជាមួយ CTS SPORT