Federico Chiesa យុវជនដែលស្ថិតក្រោមការគ្រប់គ្រងដោយក្លឹបអាណាព្យាបាល Fiorentina សព្វថ្ងៃគេស្ថិតក្នុងលក្ខខណ្ឌខ្ចីជើងលេងឲ្យ Juventus តែមុននេះ គេក៏មានឱកាសអាចទៅលេងឲ្យក្លឹបយក្សនៅអង់គ្លេសផងដែរ តែសាមីខ្លួនបានបដិសេធ។
យុវជនដែលជួយជម្រើសជាតិអ៊ីតាលី លើកពាន Euro 2020 កាលពីពេលកន្លងទៅ បើតាមការឲ្យដឹងពីភ្នាក់ងារសារព័ត៌មាន RTV38 គឺគេមានឱកាសអាចទៅលេងឲ្យក្លឹប Liverpool ពោលភាគីក្លឹបចរចាត្រូវរ៉ូវតម្លៃខ្លួនអស់ហើយ តែសាមីខ្លួនបែរជាបាក់ចិត្តចង់ទៅចូលរួមនៅ Juventus ក្នុងប្រទេសកំណើតវិញ។
តាមការឲ្យដឹងពីប្រភពខាងលើចុះផ្សាយ៖ “Fiorentina ឈានដល់កិច្ចព្រមព្រៀងជាមួយ Liverpool ក្នុងការនាំយក Chiesa នៅតម្លៃ ៦០ លានផោន តែការចរចាត្រូវបានរាំងស្ទះ ដោយសារកីឡាករមានចិត្តចង់ទៅលេងឲ្យ Juventus ជាង”។
គួរបញ្ជាក់ថា កីឡាករវ័យ ២៤ ឆ្នាំ ជាមួយការបង្ហាញខ្លួនសរុប ៥៩ ប្រកួត គេរកបាន ១៧ គ្រាប់និង Assist ១៣ លើក។ យើងមិនច្បាស់ថា ក្រោយផុតកុងត្រានារដូវក្តៅ ឆ្នាំបន្ទាប់នេះ ភាគីសេះបង្កង់ នឹងព្រមបន្តកុងត្រាថ្មី ឬទិញគេផ្តាច់បែបណានោះទេ៕
ប្រភព៖ Sportsmole