• ៣រឿងដ៏អស្ចារ្យកើតឡើងនៅក្របខ័ណ្ឌ Premier League សប្តាហ៍ ៣៧

    ក្នុងការប្រកួតសប្តាហ៍ទី ៣៧ នៃ English Premier League ដែលទើបបញ្ចប់កាលពីរាត្រីថ្ងៃអាទិត្យ ទី ៦ ម្សិលមិញនេះ បានបង្ហាញឲ្យឃើញនូវរឿងភ្ញាក់ផ្អើលមួយចំនួន ដែលគួរគត់សម្គាល់ ។

    ក្នុងនោះគឺ ក្រុមមេឃខៀវ Manchester City FC បានធ្វើពិធីគ្រងពានរង្វាន់ Premier League ក្រោយប្រកួតស្មើជាមួយ Huddersfield Town ០-០ ពោលគឺដោយមានពិន្ទុដាច់ពីគូប្រជែង Man UTD ដល់ទៅ ១៧ពិន្ទុ ។


    រាត្រីតែមួយនោះផងដែរ Arsenal បានប្រកួតឈ្នះក្រុម Burnley ៥-០ គ្រប់គ្រាន់ក្នុងការលាទៅកាន់គ្រូបង្វឹក Arsene Wenger ដែលរួមរស់ជាមួយក្លិបដល់ទៅ ២២ឆ្នាំ ពោលគឺចាប់តាំងពីឆ្នាំ ១៩៩៦មក ។

    ក្រៅពីនេះទៀត គឺជាការជួបគ្នារវាងក្រុមកំពូលពីរ គឺ Chelsea បានយកឈ្នះ Liverpool ១-០ ដែលជាបេក្ខភាពផ្តាច់ព្រ័ត្រពានរង្វាន់ UEFA Champions League 2017-2018 ។ Giroud ប្រើបច្ចេកទេសតែតបាល់បញ្ចូលទីយ៉ាងល្អ ដែលនេះគឺជាគ្រាប់បាល់ទី ៥ ដែលគាត់រកបានឲ្យក្លិប ក្នុងការបង្ហាញខ្លួនគ្រប់ព្រឹតិ្តការណ៍ទាំងអស់ ។

    ជ័យជម្នះនេះ ស្រោចស្រង់ក្តីសង្ឃឹមប្រជែងយកកៅអីជម្រុះ Champions League រដូវកាលក្រោយរបស់ Chelsea ឲ្យរស់ឡើងវិញ ខណៈពួកគេមានគម្លាតពីក្រុមនៅខាងលើ Liverpool ( ៧២ពិន្ទុ ) និង Tottenham Hotspur ( ៧១ពិន្ទុ ) និងនៅសល់ពីរប្រកួតទៀតដើម្បីបញ្ចប់រដូវកាល ៕

    ភ្ជាប់ទំនាក់ទំនងជាមួយ CTS SPORT