លោក Pep Guardiola យល់ឃើញថាវិស័យបាល់ទាត់នឹងអាចត្រលប់ថយក្រោយ ប្រកួតដោយបិទទ្វាវិញមិនខាន ប្រសិនបើម្នាក់ៗមិននាំគ្នាការពារ ចាក់វ៉ាក់សាំងកូវីដ១៩គ្រប់ដូសទេនោះ។
អ្នកចាត់ការក្រុម Manchester City ភ្ញាក់ផ្អើលនៅពេលដឹងថាកីឡាករមួយចំនួននៅ Premier League មិនព្រមចាក់វ៉ាក់សាំងកូវីដ១៩ ហើយអ្នកគាំទ្រក្នុងទីលានពេញៗនោះ ក៏មិនបានពាក់ពាក់ម៉ាសគ្រប់គ្នាដែរ។ នេះជាកត្តាមួយដែលចំនួនឆ្លងកូវីដ១៩កើនឡើងវិញ ក្រោយពីមានមេរោគប្រភេទថ្មីអូមីក្រុង។ ហើយប្រសិនបើបន្ដបែបនេះទៀត នោះពេលខាងមុខការប្រកួតបាល់ទាត់ទំនងជានឹងត្រូវលេងបិទទ្វាវិញមិនខាន។
លោក Pep ចង់ឃើញគ្រប់គ្នាទទួលវ៉ាក់សាំង ហើយក៏ចាក់ដូសបន្ថែមផងដែរ តាមការណែនាំរបស់ក្រសួងសុខាភិបាល។ ការធ្វើបែបនេះ ទើបអាចទប់ស្កាត់មេរោគកូវីដ១៩ប្រភេទថ្មីបាន។ ប្រសិនបើម្នាក់ៗមិនចង់ចាក់បែបនោះ នោះស្ថានភាពនឹងអាក្រក់ឡើងនៅឆ្នាំ២០២២មិនខាន៕ ប្រភព៖ DAILYMAIL