ខ្សែការពារ Trent Alexander-Arnold បាននិយាយថាប្រសិនបើខ្លួនអាចចុះកុងត្រាយកកីឡាករបាន នោះមានកីឡាករ២នាក់ដែលរូបគេចង់បានមករួមក្រុមគឺ Kevin De Bruyne និង Son Heung-min។
កីឡាករវ័យ២៣ឆ្នាំខាងលើកំពុងបង្ហាញទម្រង់លេងល្អដដែលសម្រាប់ក្រុម Liverpool ដោយបន្ដរកគ្រាប់បាល់បាន និងការពារយ៉ាងល្អ។ ក្នុងនោះដែរ នៅពេលថ្មីៗនេះ មានសំនួរមួយបានសួរទៅរូបគេ ថាប្រសិនបើជាអ្នកចាត់ការក្រុម Liverpool តើមានកីឡាករណាខ្លះដែលខ្លួនចង់នាំមករួមក្រុមនៅពេលខាងមុខ?
ចំពោះចម្លើយនេះដែរ កីឡាករអង់គ្លេសខាងលើបាននិយាយថា៖ “De Bruyne and Son។ De Bruyne ព្រោះខ្ញុំសរសើរគាត់ក្នុងនាមជាកីឡាករម្នាក់ ទាំងគោលដៅ បច្ចេកទេសរបស់គាត់ពិតជាអស្ចារ្យ។ កីឡាករឆ្នើម យល់ច្បាស់ពីការបញ្ជូនបាល់ និងបង្កើតឱកាសបានច្រើន។ Son គាត់ក៏ជាកីឡាករលេចធ្លោម្នាក់ដែរ ទាំងល្បឿន និងការបញ្ចប់ទីរបស់គាត់ពិតជាច្បាស់លាស់”៕ ប្រភព៖ DAILYMAIL
