អតីតខ្សែប្រយុទ្ធនៃក្រុមជម្រើសជាតិប្រេស៊ីល គឺ Ronaldo Nazario ដែលជាម្ចាស់ពាន Ballon d’Or និង FIFA World Cup ២ សម័យកាល កន្លងទៅនេះ បានបង្ហាញការយល់ឃើញ ជុំវិញឈ្មោះកីឡាករចាស់ថ្មី ៤ រូប ដែលគិតថាល្អបំផុតគ្រប់ពេលវេលាក្នុងប្រវត្តិសាស្រ្តបាល់ទាត់។
អតីតកីឡាករក្លឹប Real Madrid ពុំបានរាប់ឈ្មោះរបស់ខ្លួនឯងចូលនោះទេ ផ្ទុយទៅវិញ ចុចឈ្មោះជើងចាស់ ២ រូបនិងកីឡាករឈរជើងបច្ចុប្បន្ន ២ រូប។ Ronaldo ថា៖ “សម្រាប់ខ្ញុំការចាត់ថ្នាក់កីឡាករល្អបំផុតក្នុងប្រវត្តិសាស្ត្រ គឺមាន ៤ រូប តួយ៉ាងគឺ Pele, Maradona, Lionel Messi និង Cristiano Ronaldo ដោយពួកគេល្អបំផុតហើយ”។
លោកបន្តពាក់ព័ន្ធនឹងការប្រៀបធៀបរវាងខ្លួនជា Ronaldo ប្រេស៊ីល និង Cristiano ព័រទុយហ្គាល់ ដូច្នោះថា៖ “សម្រាប់ CR7 គឺប្រាកដជាធុញទ្រាន់ដែលនឹងលឺពាក្យ និយាយថា ខ្ញុំទើបជា Ronaldo ពិត ដោយអ្នករាល់គ្នាមិនអាចប្រៀបធៀបរឿងហ្នឹងបានទេ នេះ Cristiano គេនៅតែជាកីឡាករល្អបំផុតក្នុងប្រវត្តិសាស្ត្របាល់ទាត់ ដែលបន្តរកគ្រាប់បាល់ និងបន្តសម្រេចភាពជោគជ័យរបស់គេ ហើយក៏ល្អដូចជា Messi អ៊ីចឹងដែរ”៕
ប្រភព៖ Sportskeeda