លោក Steven Gerrard បានវិជ្ជមានកូវីដ១៩ទៅហើយ ដែលនឹងធ្វើឱ្យលោកមិនអាចឈរបញ្ជាកូនក្រុមយ៉ាងតិច២ប្រកួតនាពេលខាងមុខនេះ។
ក្លឹប Aston Villa បានចេញសេចក្ដីប្រកាសដំណឹងខាងលើ ដែលនេះមានន័យថាការប្រកួតទល់ក្រុម Chelsea និង Leeds United នាពេលខាងមុខ លោក Gerrard មិនអាចឈរបញ្ជាកូនក្រុមបានទេ។ ខណៈដែលការប្រកួតកន្លងទៅទល់ក្រុម Burnley គឺពួកគេមិនអាចលេងម្ដងមកហើយ ដោយសារតែសមាជិកច្រើននាក់មានវិជ្ជមានកូវីដ១៩។
រំលឹកថាការប្រកួតនៅក្របខណ្ឌអង់គ្លេសច្រើនប្រកួតមកហើយត្រូវលើកពេល ដោយសារតែចំនួននៃការឆ្លងកូវីដ១៩ កើនឡើងតាមក្លឹបនានា។ តែទោះជាយ៉ាងនេះក្ដី Premier League មិនមានគម្រោងផ្អាកការប្រកួតទាំងអស់ឡើយ។ ដោយក្លឹបណាមានឆ្លងច្រើនអាចសុំលើកពេល ហើយក្លឹបណាឆ្លងតិចប្រកួតជាធម្មតា៕ ប្រភព៖ DAILYMAIL