Gianluigi Buffon បានក្លាយជាកីឡាករល្បីឈ្មោះនៅអ៊ីតាលីម្នាក់ទៀតដែលចេញមុខមកនិយាយពីគុណវិបត្តិរបស់ Cristiano Ronaldo នៅ Juventus ក្រោយចូលរួមនៅឆ្នាំ២០១៨។
Ronaldo បានចូលរួមជាមួយក្រុម Juventus បាន៣រដូវកាលដែរ ដោយចាប់ផ្ដើមពីឆ្នាំ២០១៨មក មុនពេលសម្រេចផ្ទេរចេញមកនៅ Manchester United នៅរដូវកាលនេះ។ វត្តមានរបស់ខ្សែប្រយុទ្ធវ័យ៣៦ឆ្នាំរូបនេះបានធ្វើឱ្យមានការប្រែប្រួលច្រើននៅអ៊ីតាលី ដោយជាពិសេសនោះក្រុម Juventus ផ្ទាល់តែម្ដងរដូវកាលមុន បាត់ឱកាសឈ្នះពានរង្វាន់ Serie A ។
ដោយសារតែដូច្នេះហើយទើបបានជា Gianluigi Buffon ចេញមុខមកនិយាយដែរថា៖ “Juventus មានឱកាសឈ្នះពាន Champions League នៅឆ្នាំដំបូងដែលគាត់នៅ ពេលនោះខ្ញុំនៅ PSG ។ ខ្ញុំមិនដឹងថាមានរឿងអ្វីទៀតទេពេលនោះ។ ពេលខ្ញុំត្រលប់មកវិញ ខ្ញុំធ្វើការជាមួយគាត់២ឆ្នាំ ហើយយើងយល់ចិត្តគ្នាល្អ ប៉ុន្តែខ្ញុំគិតថា Juventus បានបាត់ DNA របស់ខ្លួន អំឡុងពេលគាត់លេងទីនេះ”៕ប្រភព Marca
