លោក Thomas Tuchel អ្នកចាត់ការក្រុម Chelsea បានបង្ហាញការចាប់អារម្មណ៍ខ្លាំងទៅលើអ្នកចាំទី Kepa Arrizabalaga ក្រោយបង្ហាញទម្រង់លេងយ៉ាងល្អនៅ Carabao Cup ។
អ្នកចាំទីអេស្ប៉ាញខាងលើជាដៃទី២នៅក្រុម Chelsea បន្ទាប់ពីកីឡាករ Edouard Mendy ប៉ុន្តែរាល់ការប្រកួតដែលរូបគេទទួលបានឱកាសលេងឃើញថាធ្វើបានល្អណាស់។ រហូតមកដល់ពេលនេះ លោក Tuchel ផ្ដល់ទំនុកចិត្តលើរូបគេមិនតិចជាងកីឡាករ Mendy នោះទេ។ ដោយតាមគម្រោងអ្នកចាត់ការខាងលើនឹងផ្ដល់នាទីលេងបន្ថែមទៀតទៅឱ្យ Kepa មិនខាន។
បើតាមលោក Tuchel បាននិយាយថា៖ “ខ្ញុំសប្បាយចិត្ត។ ពាក្យសប្បាយចិត្តប្រហែលជាពាក្យមិនត្រូវពេលនេះទេ ប៉ុន្ដែខ្ញុំពិតជាចាប់អារម្មណ៍ទៅលើការលេងរបស់ Kepa មែន។ នេះជាអ្វីដែលគាត់បានបង្ហាញពេលហ្វឹកហាត់ ហើយហេតុផលដែលគាត់ធ្វើបានល្អ។ ខ្ញុំពិតជាច្បាស់ក្នុងចិត្តថាគាត់ពិតជាអ្នកចាំទីល្អម្នាក់ពិតមែន”៕ប្រភព Dailymail
