ក្រុមហង្សក្រហម Liverpool បានបង្ហាញការចាប់អារម្មណ៍ទៅលើខ្សែបម្រើ Eduardo Camavinga របស់ក្រុម Real Madrid ក្រោយពីឃើញរូបគេលេងប៉ុន្មានកន្លងមកនេះ។
កីឡាករវ័យ១៩ឆ្នាំខាងលើបានផ្ទេរពីក្រុម Rennes មកចូលរួមជាមួយក្រុម Real Madrid ក្នុងតម្លៃខ្លួន៣៤លានផោនកាលពីរដូវកាលដោះដូរកីឡាករ។ យ៉ាងណាមិញ ខ្សែបម្រើរូបនេះនៅមិនសូវបានលេងនោះទេក្រោមការដឹកនាំរបស់លោក Carlo Ancelotti ដោយសារតែតំបន់បម្រើមានកីឡាករឆ្នើមៗច្រើនទៅហើយ។ ដោយសារតែឃើញថាមិនសូវបានលេងនេះហើយ ទើបបានជាក្រុម Liverpool ចាប់អារម្មណ៍ចង់យកគេមកលេងនៅ Premier League វិញ។
មួយវិញទៀតក៏មានដំណឹងថាកីឡាករខាងលើចង់ចាកចេញពីក្រុម Real Madrid ផងដែរ ព្រោះដោយសារការមិនសូវបានលេងរបស់គេ។ ខណៈដែលការចូលរួមក្រុមអធិរាជសនេះ គេ Camavinga រំពឹងថានឹងទទួលបាននាទីលេង មិនមែនអង្គុយកៅអីបម្រុងឡើយ៕ប្រភព Dailymail
