ខ្សែប្រយុទ្ធ Karim Benzema រកបាន២គ្រាប់ម្នាក់ឯងជួយក្រុម Real Madrid យកឈ្នះលើក្រុម Athletic Bilbao ក្នុងលទ្ធផល ២-១ ក្នុងពានរង្វាន់ La Liga។
ក្នុងការប្រកួតនេះដែរ ៣គ្រាប់ដែលកើតមានឡើងនោះគឺចំណាយពេលត្រឹម១០នាទីដើមតង់ទី១ប៉ុណ្ណោះ។ ដោយ Benzema ដាក់២គ្រាប់នៅនាទី៤និង៧ឱ្យក្រុម Real Madrid ស្របពេលក្រុម Bilbao វិញរកបាននៅនាទី១០ ដោយកីឡាករ Sancet ។ ចប់ការប្រកួត ក្រុមរបស់លោក Carlo Ancelotti ជាអ្នកយកបាន៣ពិន្ទុបិទបញ្ចប់ឆ្នាំ២០២១នេះ។
នាពេលនេះ ក្រុម Real Madrid ឆ្លងកាត់ការប្រកួត១៩ប្រកួតមកនេះ មានដល់ទៅ៤៦ពិន្ទុហើយ។ ដោយនៅសល់តែក្រុម Sevilla មួយទេ ដែលមើលទៅកំពុងប្រជែងខ្លាំង ដោយមាន៣៨ពិន្ទុ ឆ្លងកាត់១៨ប្រកួត៕ ប្រភព៖ DAILYMAIL
