ក្របខណ្ឌ La Liga នៅយប់មិញនេះ ក្រុមខ្លាំងកំពូលតារាង FC Barcelona និង Real Madrid សុទ្ធតែបរាជ័យដូចគ្នា ដោយ Barca ចាញ់ Leganes ២-១ និង Real ចាញ់ Sevilla ៣-០។
FC Barcelona ជាអ្នករកគ្រាប់បាល់បានមុន ដោយ Coutinho ជាអ្នកធ្វើបាន
សម្រេចត្រឹមនាទី១២ ដើមតង់ទី១។ ខណៈដែលការប្រកួតឈានចូលដល់តង់ទី២
ម្ចាស់ផ្ទះ Leganes ប្រើពេលតែ១នាទីប៉ុណ្ណោះ ដើម្បីរកគ្រាប់បាល់បានដល់២
គ្រាប់ និងទទួលបានជ័យជម្នះតែម្ដង។ ដោយនេះ ក៏ជាជ័យជម្នះដំបូងសម្រាប់
ក្រុមមួយនេះនៅរដូវកាល២០១៨-១៩ ផងដែរ។
ដោយឡែក សម្រាប់ Real Madrid វិញ ត្រូវក្រុម Sevilla ស៊ីដល់៣គ្រាប់ឯណោះ
ខណៈដែលក្រុមមួយនេះមានកីឡាករល្អយ៉ាងណាក៏ដោយ។ ៣គ្រាប់សម្លាប់ទឹក
ចិត្តក្រុមអធិរាជស ធ្វើបានដោយAndre Silva ២គ្រាប់ និង Yedder ១គ្រាប់។
បរាជ័យរបស់ក្រុមកំពូលតារាងទាំងពីរនេះ បានធ្វើឱ្យក្រុមដទៃឡើងមកកៀកប្រដេញពិន្ទុបន្តិចហើយ។ ដោយ Barca និង Real មាន១៣ពិន្ទុ តាមពីក្រោយ
ដោយ Atletico Madrid មាន១១ពិន្ទុ និង Sevilla មាន១០ពិន្ទុ៕ប្រភពDailyMail