ខ្សែប្រយុទ្ធ Harry Kane ថាការប្រជែងបាល់របស់ខ្លួនលើខ្សែការពារ Andy Robertson គឺមិនមានអ្វីធ្ងន់ធ្ងរនោះទេ ហើយអាជ្ញាកណ្ដាលផ្ដល់ត្រឹមកាតលឿងជារឿងត្រឹមត្រូវហើយ។
ក្រុម Spurs លេងស្មើជាមួយក្រុម Liverpool ក្នុងលទ្ធផល ២-២ នៅយប់មិញ។ ដោយការប្រកួតនោះដែរ ខាងក្រុម Liverpool មិនសប្បាយចិត្តខ្លាំង ដោយសារតែអាជ្ញាកណ្ដាលមិនផ្ដល់កាតក្រហមទៅលើខ្សែប្រយុទ្ធ Harry Kane ដែលបានបង្កកំហុសឈូសជើងខ្សែការពារ Robertson ពេញទំហឹង តែចុងក្រោយបានត្រឹមកាតលឿងប៉ុណ្ណោះ។ ហើយដល់ពេល Robertson វិញ ទាត់ពីក្រោយ Emerson បានដល់កាតក្រហមនៅពាក់កណ្ដាលតង់ទី២។
ត្រង់ចំណុចនេះដែរ បើតាមសម្ដីរបស់សាមីខ្លួន Kane បានអះអាងថា៖ “ខ្ញុំគិតថាវាជាការប្រជែងខ្លាំងមែន ប៉ុន្តែខ្ញុំបានបាល់មុន។ ពេលអ្នកលេងជាមួយក្រុមខ្លាំង និងព្យាយាមយកពិន្ទុប្រជែងគ្នា។ ពេលខ្លះនឹងមានការបង្កកំហុសធ្ងន់មិនខាន។ ពួកគេ (អាជ្ញាកណ្ដាល) បានពិនិត្យវាហើយ ហើយវាជាការបង្កកំហុសត្រឹមកាតលឿង។ ខ្ញុំក៏យល់ស្របជាមួយការពិន័យនេះដែរ”៕ប្រភព៖ DailyMail
