ក្រុម Real Madrid គ្រប់គ្រងការប្រកួតទាំងស្រុង និងស៊ុតច្រើនជើងខ្លាំងណាស់ ប៉ុន្តែជាលទ្ធផលចុងក្រោយបានត្រឹមស្មើជាមួយក្រុម Cadiz ០-០ ប៉ុណ្ណោះនៅ La Liga ។
ក្រុមអធិរាជសមានកីឡាករឆ្លងកូវីដ១៩ច្រើន ប៉ុន្តែពួកគេមិនបានសុំលើកការប្រកួតនោះទេ។ ខណៈដែលលេងទល់ក្រុមក្បែរបាតតារាង Cadiz នោះ ក្រុមរបស់លោក Carlo Ancelotti គ្រប់គ្រងការប្រកួតបានស្ទើរតែទាំងស្រុងទៅហើយ តែក៏មិនមានសំណាងដើម្បីរកគ្រាប់បាល់ឡើយ។ ពួកគេស៊ុតចេញដល់ទៅ៣០ជើង តែចុងក្រោយមិនមាន១គ្រាប់ឡើយ។
ក្រុម Real Madrid ស្មើនេះ គឺជារឿងល្អសម្រាប់គូប្រជែងដទៃទៀតដែលកំពុងចាញ់ពិន្ទុច្រើនៗ ដូចជា Atletico Madrid និង Barcelona ជាដើម។ ដោយជាក់ស្ដែងពេលនេះ Real មាន៤៣ពិន្ទុឈរនៅលេខ១ ស្របពេល AT Madrid វិញនៅលេខ៥មាន២៩ពិន្ទុ និងក្រុម Barcelona នៅលេខ៧ មាន២៧ពិន្ទុ៕ប្រភព៖ DailyMail
