ដ្បិតបើកំពុងជួបបញ្ហាវិបត្តិហិរញ្ញវត្ថុ និងការធ្លាក់ចុះទម្រង់លេង តែសម្រាប់ក្លឹប Barcelona ក៏កំពុងត្រូវប៉ាន់ពីសំណាក់ក្លឹបយក្សជាច្រើនផងដែរ ជុំវិញការមើលឃើញសមត្ថភាពកីឡាករ ដែលទើបតែអភិវឌ្ឍខ្លួនចេញពីថ្នាល។
នោះគឺ Gavi ដែលមានវ័យទើបតែ ១៧ ឆ្នាំ និងទើបរកបានគ្រាប់បាល់ដំបូងឲ្យក្លឹប Barcelona កាលពីប្រកួតទល់ក្លឹប Elche កន្លងទៅ។ បើតាមសារព័ត៌មាន El Nacional ចុះផ្សាយថា ក្លឹបបារាំង PSG កំពុងចូលខ្លួនប្រជែងជាមួយ Liverpool និង Chelsea ជុំវិញការចង់បាន កីឡាករខាងលើ ណាមួយដោយឃើញគេមិនទាន់ចុះហត្ថលេខារយៈពេលយូរផង ដូច្នេះជាឱកាសល្អ ក្នុងការអាចយកគេបាននៅតម្លៃទាប។
គួរឲ្យដឹងថា Gavi គេជាប់កុងត្រា ត្រឹមចុងខែមិថុនា ឆ្នាំ ២០២៣ ហើយពេលនេះមិនទាន់មានតម្លៃផ្តាច់កុងត្រាច្បាស់លាស់នោះទេ ដែលនាំឲ្យតម្លៃផ្ទេរអាចថ្លៃក្រោម ៣០ លានអឺរ៉ូ។ ប៉ុន្តែប្រសិនឆ្លងកាត់ការទម្លាក់ចុងប៊ិចចុះហត្ថលេខាថ្មី នោះគេជឿថា តម្លៃផ្តាច់កុងត្រារបស់យុវជនសញ្ជាតិអេស្ប៉ាញ ពិតណាស់នឹងឡើងដល់ខ្ទង់រយលានមិនខាន៕
ប្រភព៖ El Nacional