ខ្សែប្រយុទ្ធ Robert Lewandowski បានបំបែកកំណត់ត្រាទៀតហើយ ក្រោយពីរូបគេជួយក្រុម Bayern Munich យកឈ្នះលើក្រុម Wolfsburg ក្នុងលទ្ធផល ៤-០។
Bayern Munich កាន់តែធ្វើបានល្អទៅហើយ ដោយប៉ះក្រុម Wolfsburg នៅយប់មិញពួកគេយកឈ្នះបានក្នុងលទ្ធផល ៤-០ ឯណោះ។ ខណៈដែល៤គ្រាប់នោះក៏មានចេញពីជើងរបស់កីឡាករ Lewandowski ១គ្រាប់ផងដែរ។ ការរកបាន១គ្រាប់បន្ថែមទៀតនេះធ្វើឱ្យរូបគេរកបាន៤៣គ្រាប់ហើយក្នុងឆ្នាំ២០២១នេះ។ វាក៏បានបំបែកកំណត់ត្រាអ្នករកគ្រាប់បាល់បានច្រើនក្នុង១ឆ្នាំរបស់កីឡាករ Gerd Muller ដែលធ្វើបាននៅឆ្នាំ១៩៧២ផងដែរ។
ក្រោយពីបំបែកកំណត់ត្រាខាងលើហើយ Lewandowski ក៏បានជួយក្រុម Bayern Munich ឈរកំពូលតារាង Bundesliga ដោយដាច់៩ពិន្ទុពីក្រុមលេខ២ Dortmund ទៅហើយ។ ដោយតាមទម្រង់លេងនាពេលបច្ចុប្បន្ននេះ ដូចមិនមានក្រុមនៅអាល្លឺម៉ង់ណាអាចប្រជែងជាមួយក្រុមរបស់លោក Nagelsman បានឡើយ៕ ប្រភព៖ DAILYMAIL
