• Modric ​អរគុណ​អ្នក​ដែល​បោះ​ឆ្នោត​ឱ្យ​ខ្លួន ​និង​អ្នក​គាំទ្រ​ទាំង​អស់

    Luka Modric ​អរគុណ​ដល់​បណ្ដា​អ្នក​កាសែត ​គ្រូ​បង្វឹក ​និង​ប្រធាន​ក្រុម​ជម្រើស​ជាតិ​ទាំង​អស់​ដែល​បាន​បោះ​ឆ្នោត​ឱ្យ​ខ្លួន ​ឈ្នះ​ពាន​រង្វាន់ FIFA Best Player of The Year 2018 ។

    Luka Modric បាន​ក្លាយ​ជា​ម្ចាស់​ពាន​កីឡាករ​បាល់ទាត់​ឆ្នើម​របស់​ពិភពលោក FIFA  នៅ​ក្នុង​ពិធី​ប្រគល់​ពាន​ FIFA Football Awards ដែល​ធ្វើ​ឡើង​នៅ​ Royal Festival Hall ស្ថិត​ក្នុង​ទីក្រុង​ឡុង ប្រទេស​អង់គ្លេស។ ក្រោយ​ពី​ការ​ឈ្នះ​ពាន​រង្វាន់​នេះ​ជា​លើក​ដំបូង កីឡាករ​ក្រូអាត​បាន​អរគុណ​ទៅ​អ្នក​ដែល​ចូល​រួម​បោះ​ឆ្នោត​ឱ្យ​រូបគេ​ទាំង​អស់ ​និង​អរគុណ​ដល់​មិត្ត​រួម​ក្រុម​របស់​គេ ​ អ្នក​គាំទ្រ ​ដែល​ធ្វើ​ឱ្យ​ខ្លួន​មាន​ថ្ងៃ​នេះ​ផង​ដែរ។

    មិន​ត្រឹម​តែ​ប៉ុណ្ណឹង​ទៀត​សោត ​Modric ​ក៏​បង្ហាញ​ចំណាប់​អារម្មណ៍​ចំពោះ​ការ Salah ​និង Ronaldo ​ដែរ។ កីឡាករ​ម្ចាស់​បាល់​មាស​នៅ World Cup 2018 ​គិត​ថា​មិន​យូរ​ទៀត​ថា Salah ​អាច​នឹង​ទទួល​បាន​ពាន​នេះ ​ព្រោះ​ពាន​រង្វាន់​កីឡាករ​ល្អ ​ត្រូវ​បាន​បោះ​ឆ្នោត ដូច្នេះ​ឱ្យ​តែ​មាន​សមត្ថភាព​ពិត​ប្រាកដ ​និង​មាន​ឱកាស​ឈ្នះ​វា​មិន​ខាន៕ប្រភព៖ MARCA

    ភ្ជាប់ទំនាក់ទំនងជាមួយ CTS SPORT