ក្រុមបិសាចក្រហម Manchester United បន្ដរកឃើញមានសមាជិកឆ្លងមេរោគកូវីដ១៩បន្ថែមទៀតហើយ បន្ទាប់ពីសមាជិកក្រុមត្រលប់មកហ្វឹកហាត់ជុំគ្នាវិញ។
កាលពីប៉ុន្មានថ្ងៃមុននោះ មានរបាយការណ៍ថាសមាជិកជាច្រើននាក់ក្នុងក្រុម Man Utd បានឆ្លងមេរោគកូវីដ១៩ ដែលធ្វើឱ្យមានការផ្អាកការប្រកួតសប្ដាហ៍ទី១៧ផងដែរ។ ក្រោយពីធ្វើតេស្ដលើកនោះរូច អ្នកដែលអវិជ្ជមានក៏បានត្រលប់មកប្រមូលផ្ដុំហ្វឹកហាត់វិញ តែក្រោយពីហាត់បានបន្ដិច ពេលនេះក៏មានដំណឹងថាសមាជិកដែលអវិជ្ជមានលើកមុន ពេលនេះបានឆ្លងមេរោគទៀតទៅហើយ។
គេមិនទាន់ច្បាស់នៅឡើយទេថាក្រុម Man Utd នឹងអាចលេងទល់ក្រុម Brighton នៅថ្ងៃចុងសប្ដាហ៍នេះបានឬយ៉ាងណា ខណៈដែលពួកគេបាត់សមាជិកជាច្រើននាក់ទៅហើយ។ ប្រសិនបើស្ថានភាពនៅតែមិនល្អឡើងវិញទេ ក្រុមរបស់លោក Ralf Rangnick អាចស្នើសុំលើកពេលប្រកួតបានផងដែរ៕ ប្រភព៖ BBC
