Liverpool នឹងត្រូវតតាំងជាមួយក្រុមខ្លាំង Chelsea នៅម៉ោង ១:៤៥នាទីយប់នេះ ក្នុងពានរង្វាន់ League Cup ជុំទី៣។
ការប្រកួតនេះដែរ នឹងធ្វើឱ្យអ្នកគាំទ្រជក់ចិត្តមិនខាន ព្រោះក្រុមទាំងពីរកំពុងប្រជែងគ្នាខ្លាំងនៅលីគកំពូលអង់គ្លេស ហើយមកត្រូវប៉ះគ្នានៅពានរង្វាន់ League Cup នេះទៀត។ លេងនៅទឹកដីក្រុមហង្សក្រហមពិតមែន ប៉ុន្តែលោក Klopp មិនអាចមើលស្រាលក្រុម Chelsea ឡើយ។ លោកបានបញ្ជាក់ថា Chelsea អាចនឹងបង្កការលំបាកក្នុងសម្រាប់ Liverpool ទោះលេងនៅទឹកដី Anfield ក៏ដោយ។
ជាការដាស់តឿនកូនក្រុមទាំងអស់ អ្នកចាត់ការសញ្ជាតិអាល្លឺម៉ង់បាននិយាយថា៖ “បើយើងលេងមិនអស់សមត្ថភាព ឬគិតថាពានរង្វាន់នេះតូច នោះអ្នកនឹងបរាជ័យមិនខាន។ ខ្ញុំនិយាយនេះ គឺទៅកាន់កីឡាករទាំងអស់។ ខ្ញុំចង់ឃើញ
ការប្រកួតបាល់ទាត់មួយដែលល្អមើល ចង់ឃើញពួកគេមានការប្រកួតប្រជែងខ្ពស់ ហើយយើងចង់បានទទួលលទ្ធផលល្អ”៕ប្រភពDailyMail