អតីតកីឡាករនៅ PL លោក Wayne Rooney ត្រូវបានគេរាយការណ៍ថា កំពុងត្រៀមនឹងវិលត្រលប់មកកាន់ក្លឹបចាស់ Everton តែក្នុងនាមជាអ្នកចាត់ការ ប្រសិនណាក្លឹបនៅអង់គ្លេសមួយនេះ ត្រូវប្រកាសដកតំណែងលោក Rafa Benitez នៅពេលខាងមុខ។ នេះបើតាមសារព័ត៌មាន TheSun បានចុះផ្សាយ។
វាកើតឡើងក្រោយពេលដែល Everton ធ្វើមិនបានល្អទាល់តែសោះ នៅរដូវកាលថ្មី ២០២១/២២ ដោយក្រុមការដឹកនាំរបស់អតីតគ្រូ Liverpool/Real Madrid ក្លឹបលេខ ១៦ ប្រកួត ឈ្នះតែ ៥ ស្មើ ៣ ចាញ់ដល់ទៅ ៨។ ពេលនេះស្ករគ្រាប់ខៀវកំពុងធ្លាក់ទៅឈរចំណាត់ថ្នាក់ទី ១៤ មានតែ ១៨ ពិន្ទុ។
ពេលនេះម្ចាស់ក្លឹបលោក Farhad Moshiri កំពុងពិចារណា ដើម្បីសម្រេចថាគួរដក Benitez ចេញឬអត់នៅពេលដ៏ខ្លីខាងមុខ។ យ៉ាងណាយើងទៅមើល Rooney ឯណោះវិញ គេមានវ័យទើបតែ ៣៦ ឆ្នាំ ប៉ុន្តែមានបទពិសោធន៍ខ្លះៗហើយជាមួយការដឹកនាំក្លឹប Derby County នៅឯលីគលំដាប់ទីពីររបស់អង់គ្លេស៕
ប្រភព៖ DailyMail