ក្លឹបមេឃខៀវ ដែលដឹកនាំដោយអ្នកចាត់ការលោក Pep Guardiola កាលពីយប់មិញនេះ បានយកឈ្នះទៅលើ Leeds United ក្រោមលទ្ធផល ៧-០។ គ្រាប់បាល់បើកឆាកកើតឡើងតាំងពីនាទីទី ៨ ហើយរកបានជាបន្តបន្ទាប់ ពីសំណាក់កីឡាករ ៦ រូប រហូតដល់នាទី ៧៨។
ក្រៅពីយកបាន ៣ ពិន្ទុជួយឲ្យ City ឈរកំពូលតារាងសារនេះ ក្រឡេកមកមើលអ្នកចាត់ការសញ្ជាតិអេស្ប៉ាញ ក៏អាចបង្កើតកំណត់ត្រាថ្មី ដែលយកឈ្នះអ្នកគ្រងចាស់ ជាលោក Jurgen Klopp ផងដែរ។ នោះគឺក្លាយជាគ្រូដែលដឹកនាំក្រុម រកបានគ្រាប់បាល់ទី ៥០០ ក្នុងក្របខ័ណ្ឌ Premier League ប្រើរយៈពេលប្រកួតខ្លីបំផុត។ ខាងក្រោមយើងបង្ហាញឈ្មោះគ្រូទាំង ៦៖
៦) Rafa Benitez ប្រើពេល ៣២៩ ប្រកួត
៥) Jose Mourinho ប្រើពេល ២៨៩ ប្រកួត
៤) Arsene Wenger ប្រើពេល ២៧១ ប្រកួត
៣) Alex Ferguson ប្រើពេល ២៦៥ ប្រកួត
២) Jurgen Klopp ប្រើពេល ២៣៤ ប្រកួត
១) Pep Guardiola ប្រើពេល ២០៧ ប្រកួត៕
ប្រភព៖ BR/Football