ខ្សែប្រយុទ្ធ Sergio Aguero នឹងប្រកាសពីការចូលនិវត្តន៍ពីវិស័យបាល់ទាត់នៅថ្ងៃស្អែកនេះហើយ ក្រោយពីមានបញ្ហាបេះដូងមិនអាចដោះស្រាយព្យាបាលឱ្យដាច់បានទេនោះ។
Aguero ត្រូវបានគេរកឃើញថាមានបញ្ហាបេះដូងអំឡុងប្រកួតទល់ក្រុម Alaves នៅថ្ងៃទី ៣០ខែតុលាឆ្នាំ២០២១កន្លងទៅនេះ។ ក្រោយពីបញ្ជូនទៅកាន់មន្ទីរពេទ្យ កីឡាករអាហ្សង់ទីនរូបនេះតម្រូវឱ្យសម្រាក៣ខែដើម្បីតាមដានស្ថានការណ៍។ តែក្រោយពីមិនមានអ្វីអាចធូរស្បើយ ឬសញ្ញាបង្ហាញថារូបគេអាចលេងបាល់ទាត់បានវិញនោះ ទើបបានជាពេលនេះសាមីខ្លួនបញ្ជាក់ថាវាដល់ពេលដែលត្រូវចូលនិវត្តន៍ពីវិស័យមួយនេះហើយ។
កីឡាករដែលទើបផ្លាស់មកលេងនៅ FC Barcelona ខាងលើនឹងប្រកាសពីការចូលនិវត្តន៍របស់ខ្លួននៅថ្ងៃស្អែកនេះ។ ខណៈដែលក្រុមអ្នកមានបុណ្យក៏មានគម្រោងនឹងធ្វើពិធីលាគ្នាជាមួយរូបគេផងដែរ ក្រោយពីទើបបានចូលលេង ៤ប្រកួតនិងរកបាន១គ្រាប់គត់កន្លង៕ ប្រភព៖ MARCA
