ទីបំផុតលទ្ធផលចាប់ឆ្នោតក្រុមដែលត្រូវប៉ះគ្នា នៅវគ្គ ១៦ ក្រុម UEFA Champions League បានប្រកាសមុននេះ នៅព្រឹត្តិការណ៍ ដែលធ្វើឡើងក្នុងទីក្រុង Nyon ប្រទេសស្វីស នាល្ងាចថ្ងៃចន្ទ ទី ១៣ ធ្នូ ឆ្នាំ ២០២១។
UEFA គឺនៅតែបន្តអនុវត្ត តាមច្បាប់នៃការចាប់ឆ្នោត មិនខុសពីឆ្នាំមុនៗ នោះគឺក្រុមដែលចេញពីពូល និងប្រទេសតែមួយ គឺមិនអនុញ្ញាតឲ្យជួបគ្នាបានឡើយ នៅវគ្គបន្ទាប់។ ដូច្នេះជាលទ្ធផលក្រុមដែលត្រូវប៉ះគ្នា មានដូចតទៅ៖
Benfica ប៉ះ Real Madrid
Man City ប៉ះ Villarreal
Bayern Munich ប៉ះ Atletico Madrid
RB Salzburg ប៉ះ Liverpool
Inter Milan ប៉ះ Ajax
Sporting ប៉ះ Juventus
Chelsea ប៉ះ Lille
Man Utd ប៉ះ PSG
គួរបញ្ជាក់ថា ចំពោះកាលបរិច្ឆេទប្រកួតជើងទី ១ នឹងធ្វើឡើងនៅថ្ងៃទី ១៥/១៦ និង ២២/២៣ កុម្ភៈ ស្របពេលដែលជើងទី ២ ធ្វើឡើងនៅថ្ងៃទី ៨/៩ និង ១៥/១៦ មិនា ឆ្នាំ ២០២២ មានផ្សាយផ្ទាល់លើទំព័រ CTS Sports។
ប៉ុន្តែសូមបញ្ជាក់បន្តិច ពាក់ព័ន្ធនឹងច្បាប់គ្រាប់បាល់ក្រៅដី ឬ Away-goal សម្រាប់រដូវកាល ២០២១/២២ នេះតទៅ គឺត្រូវបានលុបចោលហើយ ដែលមានន័យថា ប្រសិនលទ្ធផលទាំងពីរជើងបូកទៅស្មើគ្រាប់បាល់ នោះនៅជើងទី ២ នឹងត្រូវលេងបន្ថែមម៉ោង ១៥ នាទីពីរដង ឬឈានដល់ការស៊ុតប៉េណាល់ទី ដើម្បីសម្រេចយកក្រុមចាញ់ឈ្នះ៕