ក្រុមបិសាចក្រហម Manchester United ត្រូវបានគេដឹងថាកំពុងមានករណីកីឡាករច្រើននាក់បានឆ្លងមេរោគកូវីដ១៩ទៅហើយ ដែលអាចនឹងធ្វើឱ្យការប្រកួតខាងមុខពិបាកមិនខាន។
កីឡាករនិងបុគ្គលិកក្នុងក្លឹបបានធ្វើតេស្ដរកឃើញថាមានវិជ្ជមានកូវីដ១៩ទៅហើយ។ ដោយការធ្វើតេស្ដនេះ ចាប់ផ្ដើមបន្ទាប់ពីកីឡាករ Victor Lindelof ពិបាកដកដង្ហើម នាប្រកួតទល់ក្រុម Norwich City កន្លងទៅ។ គេមិនទាន់ច្បាស់និងទទួលបានរបាយការណ៍ពីកីឡាករដែលឆ្លងនោះទេ តែអ្វីដែលប្រាកដនោះគឺការប្រកួតទល់ក្រុម Brentford អាចនឹងត្រូវផ្អាកហើយ។
នៅពេលនេះ កីឡាករដែលតេស្ដអវិជ្ជមានកំពុងហ្វឹកហាត់ដូចឡែកពីគ្នា ដោយមិនទាន់ហាត់ជុំគ្នាឡើយ។ នៅ Premier League ពេលនេះ មានក្លឹប២ហើយដែលកំពុងផ្ទុះកូវីដ១៩ ដោយក្រុមដំបូងគឺ Spurs និងបន្ទាប់មក Manchester United នេះឯង៕ប្រភព Dailymail
