អតីតកីឡាករបាល់ទាត់អាជីព Samuel Eto’o ត្រូវបានជ្រើសរើសជាប្រធានសហព័ន្ធបាល់ទាត់នៅប្រទេសកាម៉េរូនហើយ ដោយមានរយៈពេល៤ឆ្នាំ។
ក្នុងការបោះឆ្នោតជ្រើសរើសប្រធានសហព័ន្ធកាលពីពេលថ្មីៗនេះ មានបេក្ខភាពឈរឈ្មោះចំនួន៧នាក់ តែ៥នាក់ក្នុងចំណោម៧នោះត្រូវបានដកចេញមុនការប្រកាសផ្លូវការពីអ្នកឈ្នះធ្វើឡើងទៅទៀត។ ដោយសល់តែ Samuel Eto’o និង Seidou Mbombo Njoya ប៉ុណ្ណោះដែលឈរឈ្មោះ។ ជាលទ្ធផលចុងក្រោយ អតីតកីឡាករ Barcelona ជាអ្នកទទួលបានសំឡេងគាំទ្រច្រើនជាងគេ ហើយបានក្លាយជាប្រធានសហព័ន្ធក្នុងប្រទេសកាមេរ៉ូនតែម្ដង។
ម្ចាស់ពានរង្វាន់កីឡាករឆ្នើមប្រចាំប្រទេស៤សម័យកាលខាងលើនឹងដឹកនាំវិស័យបាល់ទាត់ក្នុងស្រុកកំណើតខ្លួន៤ឆ្នាំ ដែលស្មើនឹង១អាណត្ដិ។ ដោយក្នុងការតាំងចិត្តរបស់លោក ១អាណត្តិនេះ លោក Eto’o នឹងបង្កើតកីឡដ្ឋានយ៉ាងតិចឱ្យបាន១០ទៀតក្នុងការដឹកនាំរបស់លោក ហើយក៏នឹងនាំយកអ្នកវិនិយោគឱ្យច្រើនមកក្នុងប្រទេសកាមេរ៉ូនផងដែរ៕ប្រភព Bbc
