ខ្សែប្រយុទ្ធ Cristiano Ronaldo រកបាន១គ្រាប់ជួយក្រុមបិសាចក្រហម Manchester United យកឈ្នះលើក្រុម Norwich City ក្នុងលទ្ធផល ១-០។
សម្រាប់ការប្រកួតនេះដែរ ក្រុម Man Utd បានផ្លាស់ប្ដូរទម្រង់លេងថ្មីទៀតហើយក្រោមការដឹកនាំរបស់លោក Ralf Rangnick។ ខណៈដែលលទ្ធផលវិញ ឃើញថាទទួលបាន៣ពិន្ទុបន្ថែមទៀតហើយ ដោយ១គ្រាប់ជ័យជម្នះលើក្រុមបាតតារាងនេះធ្វើឡើងដោយការទាត់ប៉េណាល់ទីរបស់ខ្សែប្រយុទ្ធ Cristiano Ronaldo នៅនាទី៧៥។
ជាមួយការបន្ថែម៣ពិន្ទុទៀតនេះ ក្រុមបិសាចក្រហមឈរនៅលេខ៥ក្នុងតារាង Premier League ដោយឆ្លងកាត់១៦ប្រកួត មាន២៧ពិន្ទុ។ ក្រុមលេខ៦ Arsenal មាន២៦ពិន្ទុ ឆ្លងកាត់១៦ប្រកួតដូចគ្នា៕ប្រភព Dailymail
