លោក Jurgen Klopp ជឿជាក់ថានៅថ្ងៃណាមួយលោក Steven Gerrard នឹងក្លាយជាអ្នកចាត់ការក្រុម Liverpool មិនខាន ព្រោះវីរបុរសក្លឹបរូបនេះមានសមត្ថភាពសក្ដិសមបំផុត។
Gerrard តាំងពីចូលនិវត្តន៍ពីអាជីពកីឡាករបាល់ទាត់មក ក៏បានទៅហាត់រៀននិងក្លាយជាអ្នកចាត់ការក្លឹបហើយនាពេលបច្ចុប្បន្ន។ លោក បានដឹកនាំក្រុម Rangers បានល្អណាស់ រហូតត្រូវបានក្លឹប Aston Villa ចាប់អារម្មណ៍និងហៅមកដឹកនាំក្រុមទៀត។ ក្រោមការដឹកនាំរបស់បុរសវ័យ៤១ឆ្នាំនេះ ក្រុម Aston ទទួលបានលទ្ធផលល្អណាស់ ឈ្នះគូប្រកួតនិងឡើងផុតតំបន់កាត់ចោលទៅហើយ។
ខណៈដែលនៅរាត្រីនេះទៀត Gerrard ក៏នឹងត្រូវដឹកនាំក្រុមប្រកួតតទល់ជាមួយក្រុម Liverpool ដែលជាក្លឹបខ្លួនប្រកបអាជីពជាច្រើនឆ្នាំផងដែរ។ មុនការប្រកួតនោះលេង លោក Klopp បានកើតសរសើរចំពោះអ្វីដែល Gerrard បានធ្វើខ្លាំងណាស់។ លោកជឿជាក់ថាវីរបុរសក្លឹបរូបនេះ នឹងមានអនាគតល្អ ហើយច្បាស់ណាស់នៅថ្ងៃណាមួយរូបគេនឹងមកដឹកនាំក្រុម Liverpool មិនខាន៕ប្រភព Dailymail
