ក្រុម West Ham បានដាក់តម្លៃទិញខ្សែប្រយុទ្ធ Eden Hazard ក្នុងតម្លៃ២១លានផោន ប៉ុន្តែក៏ត្រូវបានក្លឹប Real Madrid បដិសេធផងដែរ បើទោះជារដូវកាលនេះរូបគេមិនសូវបានលេងក៏ដោយ។
Hazard បានចូលរួមជាមួយក្រុម Real Madrid នៅឆ្នាំ២០១៩កន្លងទៅ ក្នុងតម្លៃខ្លួនខ្ពស់បំផុតនៅក្នុងក្លឹបនេះ។ តែយ៉ាងណាវត្តមានរបស់គេមិនជោគជ័យនោះទេ ដោយតាំងពីមកអេស្ប៉ាញរូបគេរបួសជាប់ជានិច្ចមិនសូវបានលេងឡើយ។ រហូតដល់រដូវកាលនេះ លោក Carlo Ancelotti ក៏មិនបានប្រើប្រាស់រូបគេឱ្យលេងទៀងទាត់ផងដែរ។
ដោយសារតែមើលឃើញថាមិនសូវបានលេង ហើយក្រុម Real Madrid លែងចង់ប្រើប្រាស់បែបនេះហើយ ទើបបានជាក្រុម West Ham ចាប់អារម្មណ៍ និងបានសាកទាក់ទងមើលក្រែងអាចទិញបានក្នុងតម្លៃ២១លានផោន។ ចុងបញ្ចប់សំណើរនេះក៏ត្រូវបានច្រានចោលពីសំណាកក្រុម Real Madrid។ ដោយពួកគេចង់បានតម្លៃខ្លួនខ្ពស់ជាងនេះទៀត ទើបព្រមលក់៕ប្រភព Dailymail
