ខ្សែប្រយុទ្ធ Vinicius Junior ចង់បន្ដលេងនៅក្រុម Real Madrid ដោយមិនមានចិត្តចង់ចាកចេញអ្វីនោះទេ ដូច្នេះហើយរឿងតម្លៃផ្ដាច់កុងត្រាខ្លួនមិនដឹងឡើយ។
ខ្សែប្រយុទ្ធប្រេស៊ីលខាងលើនារដូវកាលនេះឃើញថាពេញទម្រង់លេងល្អណាស់ក្រោមការដឹកនាំរបស់លោក Carlo Ancelotti ដោយលេង២២ប្រកួត រកបាន១២គ្រាប់ និងបញ្ជូនបាល់បាន៧គ្រាប់ទៅហើយ។ កីឡាករវ័យ២១ឆ្នាំរូបនេះ ក៏ត្រូវបានគេសួរពីរឿងអនាគតផងដែរ ថាតើនឹងបន្ដកុងត្រាថ្មី ហើយចង់បានតម្លៃផ្ដាច់កុងត្រាប៉ុន្មានដែរ។
ចម្លើយយ៉ាងខ្លីពី Vinicius គឺរូបគេចង់បន្ដលេងនៅ Real Madrid។ រឿងតម្លៃខ្លួន គឺមិនសំខាន់សម្រាប់គេឡើយ។ នាពេលបច្ចុប្បន្ននេះ រូបគេចង់ផ្ដោតតែលើការហ្វឹកហាត់និងពង្រឹងសមត្ថភាពបន្ថែមប៉ុណ្ណោះ ដោយគោលដៅនៅថ្ងៃអនាគត ចង់ឈ្នះពានរង្វាន់ Ballon dör នៅក្លឹប Real Madrid ឱ្យបាន៕ប្រភព៖ MARCA
