លោក Park Ji-sung បានអះអាងថាខ្សែប្រយុទ្ធ Son Heung-min គួរតែជោគជ័យខ្លាំងនៅ Old Trafford ប្រសិនបើក្លឹបបិសាចក្រហមទិញរូបគេ។
Park ជាកីឡាករកូរ៉េខាងត្បូងជោគជ័យម្នាក់នៅ Premier League ដោយរូបគេបានបង្ហាញខ្លួនជាង២០០ប្រកួត និងជួយក្រុម Manchester United ឈ្នះពានរង្វាន់ផងដែរ។ កីឡាករដែលត្រូវបានគេចាត់ទុកថាឆ្នើមបំផុតប្រចាំប្រទេសកូរ៉េខាងត្បូងនេះ បានបង្ហាញចំណាប់អារម្មណ៍ទៅលើកីឡាកររួមសញ្ជាតិ Son ថាគួរតែផ្លាស់ចេញពីក្រុម Spurs ហើយ។
Park បាននិយាយថា Son គួរតែទៅលេងនៅ Man Utd ហើយរូបគេនឹងជោគជ័យខ្លាំងមិនខាន។ ខណៈដែលបិសាចក្រហមវិញក៏គួរតែលៃលកយកកីឡាករកូរ៉េខាងត្បូងម្នាក់នេះដែរ។ រូបគេជាខ្សែប្រយុទ្ធមុតស្រួចម្នាក់នាពេលបច្ចុប្បន្ន ហើយសមត្ថភាពពេលនេះល្មមសម្រាប់ក្រុម Man Utd ហើយ៕ប្រភព៖ DailyMail
