ក្រុម West Ham របស់លោក David Moyes បានអះអាងថាក្រុមរបស់លោកមិនខ្លាចក្រុម FC Barcelona នោះទេ បើទោះជាជួបគ្នានៅពានរង្វាន់ Europa League ក៏ដោយ។
Barcelona ធ្លាក់មកលេងពានរង្វាន់ Europa League ក្រោយពីទទួលបានចំណាត់ថ្នាក់លេខ៣ក្នុងវគ្គសន្សំពិន្ទុតាមពូលពានរង្វាន់ UEFA Champions League។ ខណៈដែលក្នុងពានរង្វាន់ Europa League នេះ ក៏គេសង្កេតឃើញមានក្រុមខ្លាំងៗជាច្រើនផងដែរ។ ជាក់ស្ដែង West Ham ដែលកំពុងឡើងជើងនៅលីគអង់គ្លេស និងក្នុងពានរង្វាន់ Europa League នេះស្រាប់។
ក្រុមរបស់លោក Moyes នេះ បានអះអាងថាពួកគេមិនខ្លាចក្រុមណានោះទេ ទោះ Barcelona ក៏ដោយ។ ការនិយាយរបស់អ្នកចាត់ការរូបនេះ ក៏ដោយសារតែក្រុមពួកគេបានយកឈ្នះទាំង Liverpool ផងដែរ ដែលជាក្រុមត្រូវបានគេមើលឃើញថាកំពុងឡើងដល់កំពូលទៅហើយនោះ។ មួយវិញទៀតលោក Moyes ក៏បញ្ជាក់បន្ថែមថា គួរតែក្រុមទាំងអស់នោះទេ ដែលពេលនេះមិនចង់ប៉ះក្រុម West Ham ឡើយ៕ប្រភព៖ DailyMail
