ក្រុម Leicester City របស់អង់គ្លេស បានធ្លាក់ចេញពីពានរង្វាន់ Europa League ហើយ ក្រោយពីចាញ់ក្រុម Napoli ក្នុងលទ្ធផល ៣-២ នៅយប់មិញនេះ។
ក្រុមរបស់លោក Brendan Rodgers ធ្វើមិនបានល្អសោះក្នុងការប្រកួតពានរង្វាន់ Europa League នេះ ហើយការភ្លាត់ក្រោមថ្វីជើងក្រុម Napoli ក៏បានធ្វើឱ្យពួកគេធ្លាក់ចេញពីពានរង្វាន់នេះទៅហើយ។ ឈរនៅលេខ៣ មាន៨ពិន្ទុប៉ុណ្ណោះឆ្លងកាត់ការប្រកួត៦ប្រកួតពេញមក។ ដូច្នេះក្រុមអង់គ្លេសនេះនឹងត្រូវធ្លាក់ត្រឹមវគ្គចែកពូលនេះ ហើយចូលលេងពានរង្វាន់ UEFA Conference League វិញ ដែលជាលីគលំដាប់ទី៣នៅអឺរ៉ុប។
ក្រោយចប់ការប្រកួតលោក Rodgers បាននិយាយថាតំបន់ការពាររបស់ក្រុមធ្វើមិនទាន់បានគ្រប់គ្រាន់នោះទេ។ ពួកគេអាចរក្សាសំណាញ់ទីមិនឱ្យគេស៊ុតចូលតែ៣ប្រកួតប៉ុណ្ណោះក្នុងការប្រកួត២៤ប្រកួតមកនេះ។ វាបញ្ជាក់ថាក្រុម Leicester City នៅខ្សោយតំបន់ការពារខ្លាំងដែលត្រូវពង្រឹងឡើងវិញ៕ប្រភព៖ DailyMail
