នេះ Barcelona មិនទាន់ធានា ១០០ ភាគរយនៅឡើយទេ ពីការឆ្ពោះទៅវគ្គ ១៦ ក្រុមចុងក្រោយ Europa League ដោយរូបមន្តប្រកួតសម្រាប់រដូវកាលថ្មីនេះ គឺខុសពីមុន ពោលក្រុមដែលធ្លាក់ចេញពី Champions League គឺមកទើត្រឹមវគ្គ Play-off សិនប៉ុណ្ណោះ។
ខណៈដែល UEFA ក៏សម្រេចសង្ខេបការប្រកួតឲ្យតិចជាងមុន ដើម្បីផ្តល់ឱកាសឲ្យពានរង្វាន់ Europa Conference League អាចដំណើរការទៅបាន ដូច្នេះហើយក្រុមធ្លាក់ចេញពី UEL គឺប្តូរពីការលេងវគ្គ ៣២ ក្រុម មកលេងវគ្គ Play-off វិញ ដើម្បីចាប់យកកៅអីឆ្ពោះទៅវគ្គ ១៦ ក្រុមតែម្តង។
ក្រុមដែលឈរលេខ ២ ប្រចាំពូលនីមួយៗ កាលពីវគ្គ ៣២ ក្រុម UEL នឹងត្រូវធ្លាក់មកក្នុងបញ្ជី Seeded Team ខណៈដែលក្រុមឈរលេខ ៣ នៅពូលនីមួយៗ នៃ UEL នឹងត្រូវធ្លាក់មកក្នុងបញ្ជី Unseeded Team ហើយពួកគេត្រូវផ្គូផ្គងគ្នា តែបន្តអនុវត្តច្បាប់ហាមការប៉ះក្រុមមកពីប្រទេសតែមួយ។
ដូច្នេះសម្រាប់ Barcelona ក៏ដូចជាក្រុមឯទៀត មាន RB Leipzig, Porto, Borussia Dortmund, Sheriff Tiraspol, Atalanta, Sevilla និង Zenit គឺនឹងត្រូវផ្គូផ្គង អាចប៉ះមួយរវាងក្រុម Rangers, Real Sociedad, Napoli, Olympiacos, Lazio, Braga, Betis និង Dinamo Zagreb។ ប៉ុន្តែ ដោយអនុវត្តតាមច្បាប់របស់ UEFA ដូច្នេះ Barcelona នឹងមិនអាចប៉ះ Betis, Sevilla ក៏ដូចជា Real Sociedad ដែលចេញមកពី La Liga តែមួយបានឡើយ។ ជារួមមក Barcelona អាចនឹងជួបក្រុម Rangers, Olympiacos, Braga និង Dinamo Zagreb៕
ប្រភព៖ UEFA