តាមការឱ្យដឹងពីសហព័ន្ធកីឡាបាល់ទាត់មីយ៉ាន់ម៉ា បានប្រកាសថាក្រុមជម្រើសជាតិរបស់ខ្លួន នឹងត្រូវប្រកួតមិត្តភាពជាមួយក្រុមខ្លាំងមួយមកពីទ្វីប CONMEBOL (អាមេរិកខាងត្បូង) ពោលគឺជម្រើសជាតិ បូលីវី នៅថ្ងៃទី ១៣ ខែ តុលា ឆ្នាំ ២០១៨ខាងមុខ។
បូលីវី គឺជាក្រុមដែលមានចំណាត់ថ្នាក់ FIFA ល្អមួយ ពោលគឺលេខរៀងទី ៥៨ ក្នុងបច្ចុប្បន្នភាពចុងក្រោយរបស់ FIFA កាលពីថ្ងៃទី ២២ ខែ កញ្ញា កន្លងទៅ ។
គួររំលឹកថា ការប៉ះជាមួយក្រុមខ្លាំងនេះ គឺជាការត្រៀមខ្លួនរបស់មីយ៉ាន់ម៉ា មុនការប្រកួតវគ្គជម្រុះពូល A ពានរង្វាន់ Suzuki Cup 2018 ដែលត្រូវប៉ះ ម៉ាឡេស៊ី វៀតណាម កម្ពុជា និង ឡាវ នៅដើមខែវិច្ឆិកាខាងមុខនេះ ៕
