ក្រុម Spurs កំពុងមានបញ្ហាកីឡាករឆ្លងមេរោគកូវីដ១៩ច្រើននាក់ហើយ ខណៈដែលការប្រកួតញឹកគ្នាក៏កាន់តែកៀកចូលមកដល់ផងនោះ។
កាលពីម្សិលមិញនេះ ក្រុមកីឡាករនិងសមាជិកបុគ្គលិកក្នុងក្លឹបជាច្រើននាក់ត្រូវបានរកឃើញថាបានឆ្លងមេរោគកូវីដ១៩ទៅហើយ។ ខណៈដែលនៅថ្ងៃនេះទៀតសោត បុគ្គលិកជាច្រើនទៀតក៏នឹងត្រូវធ្វើតេស្ដ PCR បន្ថែមទៀតដែរ ដើម្បីឱ្យដឹងច្បាស់ថានរណាជាអ្នកឆ្លងបន្ទាប់ទៀត។ ប្រសិនបើចំនួននៅតែកើនមានឡើងទៀត នោះការសម្រេចចិត្តណាមួយនឹងកើតមានឡើងសម្រាប់ក្រុមនេះមិនខាន។
ក្រុម Spurs ត្រូវប្រកួតជាមួយក្រុម Rennes ផងនៅថ្ងៃព្រហស្ប មុនពេលពួកគេបន្ដទៅប៉ះក្រុម Brighton ទៀតនៅថ្ងៃអាទិត្យ។ ក្រុមមួយនេះក៏នឹងមមាញឹកខ្លាំងនៅថ្ងៃ Boxing Day នៅចុងខែផងដែរ។ ប្រសិនបើកូវីដ១៩ វាយលុកលើពួកគេខ្លាំង នោះការប្រកួតមួយចំនួននឹងត្រូវលើកពេលហើយ៕ប្រភព Dailymail
