ក្រុមសេះបង្កង់ Juventus កាន់តែកៀកចូលតំបន់ Top4 វិញហើយ បន្ទាប់ពីពួកគេបានយកឈ្នះលើក្រុម Genoa ក្នុងលទ្ធផល ២-០ នៅយប់មិញនេះ។
ក្រុម Juventus ត្បិតតែរដូវកាលនេះ ពួកគេធ្វើមិនបានល្អមែន ប៉ុន្តែក៏មិនឱ្យឆ្ងាយពីតំបន់ Top4 ដែរ។ ដោយជ័យជម្នះនៅយប់មិញនេះ បានធ្វើឱ្យក្រុមរបស់លោក Allegri ឡើងលេខ៥ក្នុងតារាង មាន២៧ពិន្ទុឆ្លងកាត់១៦ប្រកួតមកនេះ។ ប្រសិនបើពួកគេបន្ដធ្វើបានល្អសម្រាប់ការប្រកួតបន្ដបន្ទាប់ទៀត នោះឱកាសចូល Top4 ពិតជាមិនឆ្ងាយពីដៃឡើយ។
ក្រោយពីចប់ការប្រកួតនេះ លោក Allegri ក៏បាននិយាយវាយបកទៅខាងអ្នកកាសែតវិញពីរឿងដែលកន្លងមកពួកគេសរសេរវាយប្រហារមកលើកីឡាករ Morata ផងដែរ។ ដោយអ្នកចាត់ការរូបនេះចង់ឱ្យមានការស្មើភាពនិងគោរពសិទ្ធិគ្នាទៅវិញទៅមក។ Morata ជាកីឡាករសំខាន់ម្នាក់ក្នុងក្រុម ដូចដែលបានឃើញកន្លងមក៕ប្រភព Bbc
