លោក Roberto Mancini បានក្លាយជាបេក្ខភាពម្នាក់ផងដែរ ដែលក្រុមបិសាចក្រហមមើលឃើញ និងចង់ទាក់ទងមកដឹកនាំក្រុមបន្ដនៅរដូវកាលក្រោយនេះ។
លោក Ralf Rangnick នឹងដឹកនាំក្រុមរហូតដល់ចប់រដូវកាលនេះ ទើបស្វែងរកអ្នកចាត់ការថ្មីមកដឹកនាំក្រុមបន្ដទៀត។ ដោយក្នុងនោះមានបេក្ខភាពជាច្រើននាក់ត្រូវបានស្រង់ឈ្មោះ មុនពេលសម្រេចជាផ្លូវការនៅចប់រដូវកាល ពោលគឺអ្នកចាត់ការថ្មីនឹងបង្ហាញខ្លួនដើម្បីដឹកនាំក្រុមបន្ដនៅរដូវកាលក្រោយ។ ក្នុងបញ្ជីនោះ គេក៏បានឃើញឈ្មោះរបស់លោក Mancini ដែលជាអតីតអ្នកចាត់ការក្រុម Man City ផងដែរ។
បុរសវ័យ៥៧ឆ្នាំខាងលើ បច្ចុប្បន្នកំពុងដឹកនាំក្រុមជម្រើសជាតិអ៊ីតាលី។ លោកដឹកនាំក្រុមមួយនេះជោគជ័យកាលនៅ Euro 2020 កន្លង ដោយក្លាយជាក្រុមជើងឯក។ តែសម្រាប់ជម្រុះ World Cup 2022 វិញ ឃើញថាអ៊ីតាលីមិនបានឡើងស្វ័យប្រវត្តិទេ ដោយត្រូវលេង Play Off ហើយស្ថិតក្នុងពូលជាមួយព័រទុយហ្គាល់ទៀត៕ប្រភព Dailymail
