ខ្សែប្រយុទ្ធ Mohamed Salah របស់ក្រុម Liverpool បានបង្ហាញចំណាប់អារម្មណ៍ថានៅរដូវកាលនេះ រូបគេចង់ឈ្នះទាំងពីរពានរង្វាន់គឺ UEFA Champions League និង English Premier League។
Salah បានចូលរួមកម្មវិធី Ballon dÓr នៅបារាំង គ្រាដែលរូបគេទទួលបានចំណាត់ថ្នាក់លេខ៧ក្នុងតារាងបេក្ខភាព។ ក្នុងការផ្ដល់បទសម្ភាសន៍នោះដែរ កីឡាករអេហ្សីបរូបនេះក៏បានបង្ហាញពីគម្រោងសម្រាប់ឆ្នាំនេះផងដែរ។ ដោយរូបគេជឿជាក់ថាក្រុម Liverpool របស់ខ្លួនមានសមត្ថភាពគ្រប់គ្រាន់ក្នុងការប្រជែងពានទាំងនៅ Premier League និង Champions League ។
អតីតកីឡាករ Chelsea ចង់ឈ្នះពានរង្វាន់ខាងលើទាំងពីរពានតែម្ដង។ ដោយសម្ដីរបស់គេគឺ៖ “ខ្ញុំតែងតែនិយាយថាខ្ញុំស្រលាញ់ការឈ្នះ Champions Lague និង Premier League។ ខ្ញុំសង្ឃឹមថាខ្ញុំនឹងយកវាបានទាំងពីរតែម្ដង។ យើងសង្ឃឹមថានឹងឈ្នះវាបានទាំងពីរម្ដងទៀតនៅរដូវកាលនេះ”៕ប្រភពIndependent
