ខ្សែប្រយុទ្ធ Vinicius Jnr បន្ដជួយក្រុម Real Madrid យកឈ្នះលើក្រុម Sevilla បានក្នុងលទ្ធផល ២-១ ដើម្បីរក្សាគម្លាតពិន្ទុ ឈរកំពូលតារាង La Liga ហើយ។
ក្រុមភ្ញៀវ Sevilla ជាអ្នករកគ្រាប់បាល់នាំមុខមុននៅនាទី១២ ដោយ Rafa Mir ប៉ុន្តែក៏ត្រូវក្រុម Real Madrid តាមស្មើបានវិញនៅនាទី៣២ ដោយ Karim Benzema ។ លទ្ធផលស្មើគ្នា ១-១ នេះ ត្រូវបានរក្សារហូតដល់នាទី៨៧ ទើបកីឡាករប្រេស៊ីល Vinicius Jnr រកគ្រាប់បាល់ទី២និងជាគ្រាប់បាល់ជ័យជម្នះឱ្យក្រុម Real Madrid បាន។ ចប់ការប្រកួត Real Madrid យកឈ្នះលើក្រុម Sevilla ក្នុងលទ្ធផល ២-១ ដើម្បីបន្ដឈរនៅកំពូលតារាង La Liga ។
នៅពេលនេះ ឆ្លងកាត់១៤ប្រកួត ក្រុម Real Madrid មាន៣៣ពិន្ទុ ស្របពេលក្រុមលេខ២ Atletico Madrid វិញមាន២៩ពិន្ទុ។ ក្រុមប្រជែងធំមួយទៀត Barcelona នៅតែមានគម្លាតឆ្ងាយដដែល ដោយពួកគេឈរនៅលេខ៧ មាន២៣ពិន្ទុប៉ុណ្ណោះ៕ប្រភព Dailymail
