លោក Thomas Tuchel អ្នកចាត់ការក្រុម Chelsea សង្ឃឹមថាលោក Ralf Rangnick នឹងបន្ដដឹកនាំក្រុមបិសាចក្រហម Manchester United ឱ្យបានច្រើនជាង៦ខែ។
លោក Rangnick ដែលត្រូវបានគេស្គាល់ថាជាអ្នកកែប្រែប្រព័ន្ធលេងរបស់អាល្លឺម៉ង់ និងជាគ្រូរបស់គ្រូបង្វឹកជាច្រើនទៀតបានទទួលការងារដឹកនាំក្រុម Man Utd រយៈពេល៦ខែហើយ។ ដោយក្រោយពីចប់នោះ លោកក៏នឹងទទួលបានកុងត្រា២ឆ្នាំធ្វើជាប្រធានបច្ចេកទេសនៃក្លឹបនេះផងដែរ ដើម្បីកែប្រែឱ្យបានល្អឡើងវិញសម្រាប់ក្រុមបិសាចក្រហម។
ស្របពេលវត្ដមានរបស់លោកវិញក៏បានធ្វើឱ្យអ្នកចាត់ការនានាដែលធ្លាប់ស្គាល់គ្នា ជឿជាក់ថានឹងធ្វើបានល្អមិនខាន ហើយក្រុម Man Utd វិញក៏នឹងក្លាយជាក្រុមខ្លាំងដែរ។ ជាក់ស្ដែងលោក Tuchel បានអះអាងថារយៈពេល៦ខែនឹងមិនគ្រប់គ្រាន់ទេ។ ក្រុម Man Utd គួរតែផ្ដល់កុងត្រាយូរជាងនេះ ហើយលោក Rangnick ក៏នឹងធ្វើបានល្អ ជួយក្រុមបានច្រើនមិនខាន៕ប្រភព៖ DailyMail
